Tuesday, June 19, 2012

Anong iniisip ni P-Noy?

Gusto daw niyang hirangin si Lacson na crime czar ng Pinas. Nakalimutan na ba niya mga ginawa ni Lacson?

http://pcij.org/stories/1995/pacc.html
"Chief Supt. Panfilo Lacson, who has been convicted of human rights violations, including torture, arrests without warrants and confiscation of property. In a case filed in February 1993, Lacson and other members of Task Force Makabansa, a composite group of AFP intelligence units, were ordered to pay five victims-former detainees of the Camp Bagong Diwa Detention Center-P350, 000 each in damages."
Tapos ng may hinaharap siyang kaso, sa halip na harapin niya ito, ang ginawa niya, nagtago. siya

http://www.abs-cbnnews.com/nation/04/27/11/pnoy-never-asked-ping-where-he-hid

Meron ba namang anti-crime czar na may kasaysayan ng paglabag mismo sa batas?

Thursday, June 14, 2012

dagdag-bawas

Dahil sa gulong dulot ng pagtanggi ni Koko Pimentel na makasama si Migz Zubiri sa kanilang partido, naalala ko tuloy na inakusahan din ni Nene Pimentel si JP Enrile na nandaya sa kanya nuong 1995.  Ayon dito sa istorya ng abs-cbn, ng matapos ang muling pagbilang sa Senate electoral Tribunal (SET),  bumagsak ang puesto ni Enrile mula pagiging pang labing-isa (11) ito ay naging pang labing-lima (15).  Hindi na natuloy ang protesta ni Nene Pimentel dahil sa nanalo na siya bilang Senador noong 1998.

Naalala ko tuloy kung bakit di ko binoboto si Enrile,  maliban pa sa papel niya sa pag deklara ng Martial Law,  maliban pa sa papel niya sa pagsuporta kay Honasan at indirectly sa mga coup nito,  isa si Enrile sa pinaka bihasa sa pag manipula ng sistemang politikal ng Pilipinas para sa pansarili niyang kapakanan.  Pero hangan pa rin ako sa pagpapatakbo niya ng impeachment ni Corona,  ngayon nga lang sa halip na iniisip ko na baka dahil matanda na siya ay gusto niyang magkaroon ng magandang pangalan sa kasaysayan,  baka mayroon pa siyang ibang binalak.

Monday, June 11, 2012

Pamimilosopo

Sa buhay nating mga pinoy, may mga tao tayong tinatawag na pilosopo, ito yung mga tao na magaling mag debate, na kayang-kayang magpaikot ng katwiran para ma-suportahan kung ano man ang kanyang sinusulong na posisyon.  Sa politika, isa si Amando Doronila sa mga taong ito,  magaling magsulat at magpaikot-ikot ng salita.  Pero kagaya ni dating CJ Corona na sinuportahan niya, mahuhuli rin natin si G. Doronila sa kanyang pamimilosopo mula sa kanya mismong pananalita.

Ayon sa pinakabago niyang column sa Inquirer, hindi daw puedeng maging CJ ang isang tuta ni Presidente Aquino kasi, "The public will find it hard to accept a presidential toady as the next Chief Justice."  Mahihirapan daw tanggapin ng taongbayan ang isang CJ na tuta ni Presdiente Aquino.  Pero siya, bakit niya sinuportahan ang isang CJ na tuta ni dating Presidente Arroyo?  Ano ang pagkakaiba ng isang CJ na tuta ni Aquino sa isang CJ na tuta ni Arroyo?  Bakit sinuportahan niya ang isa at hindi ang isa?

Bakit di rin niya sinabi na mas gusto ng nakararami na matanggal si Corona bilang CJ?  Bakit tama ang desisyon ng publiko na hindi tanggapin ang isang tutang CJ ni Aquino pero mali sila sa kagustuhan nilang tanggalin si Corona?

Yan ang kahinaan ng mga namimilosopo, magaling silang magsalita, pero dahil sa kagustuhan nilang manalo sa debate, lahat na lang ng katibayan maski magkalaban (contradictory) ay kanilang sinusulong.  At dito natin makikita na hindi tunay ang kanilang pagsulong sa kanilang posisyon, kunwa kunwari lang, namimilosopo lang.