Bakit ba ang hilig hilig ng mga senador na mag akusa ng krimen tapos ang kanilang ebidensiya ay sa susunod na kabanata? Mahilig si Sen. Lacson gawin ito. Ngayon si Sen. Madrigal naman itong nagmamadaling ma diyaryo bago magkaroon ng matibay na ebidensiya.
Hindi ako mamamangaha kung nangumisyon nga ang kapatid ni Speaker Nograles, pero hindi ba puedeng kuhanin muna niya ang lahat ng ebidensiya bago siya magsalita para naman pag nag deny ang kanyang inaakusahan puede niyang sabihin "o eto ang ebidensiya ko, isaksak mo sa baga mo". Ngayon ay nagpapalitan sila ng paratang sa mga diyaryo, nagmumukha na gusto lang ni Sen Madrigal na ma diyaryo.
At hindi rin makatarungan ang ganitong gawain sa mga inaakusahan, paano kung legal nga naman pala ang ginawa ng kapatid ni Speaker Nograles, tapos inakusahan mo siya ng paggawa ng ilegal na bagay? Sinira mo na ang kanyang puri, at kahit ano pa ang gawin mo, hindi mo na maibabalik iyon.
No comments:
Post a Comment